На средината на јули 1942 година исчезнале шест воени авиони од типот lokhid P-38 и два бомбардери B-17, кои биле поддршка за сојузниците во војната на британските острови.
Поради опасното време, авионите морале итно да слетаат на заледената површина Гренланд. Слетувањето било успешно, а сите членови на екипажот биле спасени девет дена подоцна. Авионите останале на местото каде што слетале. По неколку децении, ледената покривка, која постојано ги менувала дебелината и изгледот, ги покрила авионите кои од тогаш се нарекуваат со заеднички име „изгубена ескадрила“.
Her sister, Glacier Girl, is quite the flyer actually. Glad to see they found it! pic.twitter.com/4Mx2N9XSNC
— The Aerospace Geek (@ThAerospaceGeek) July 28, 2018
50 години подоцна, во 1992 година, една експедиција која пристигнала да види што се случува со авионите била изненадена кога не ги пронашла на местото каде што слетале. Авионите исчезнале, а еден од нив е пронајден на длабочина од стотина метри под ледената покривка.
Пет Епс и Ричард Тејлор од Атланта со години трагале по исчезнатите авиони. За првпат во 1988 година откриле еден од нив благодарение на радарската технологија. Авионот е пронајден две милји подалеку од локацијата на која пилотите го оставиле и бил покриен со лед дебел 80 метри. Станува збор за P-38, кој успеале да го откопаат и обноват, за повторно да биде оспособен за летање. Го нарекле Glacier Girl.
Сега сакаат да ги пронајдат и другите авиони. Акцијата ја води непрофитна организација „Арктик хот поинт солушн“, чии членови откриле уште еден P-38.
Трагите од другиот авион за првпат се откриени во 2011 година, кога екипа го пребарала подрачјето со радар. Претходно оваа година тимот се вратил поради вградениот нов радар кој бил поставен на дрон за ефикасно да ги пребараат воените бродови од Втората светска војна.
Another Lost Squadron P-38 found! https://t.co/bT6OFRWej2
— Will Pierce (@greatistheworld) July 28, 2018
Со помош на термална сонда, успеале да го пронајдат авионот. Сондата успеала да открие и да следи челична цевка долга околу 75 метри. Со неа се обиделе да допрат до објектот и да видат дека станува збор за авион.
„Кога ја извлековме сондата на површината, на неа откривме траги од хидраулично масло какво што го користеле авионите и тоа е доволен доказ“, вели Џим Салазар.
Тој судбоносен ден 1942 година со авионот „ехо“ пилотирал Роберт Вилсон. Тимот планира да се врати следното лето и да почне со извлекување на другиот P-38. И овој пат ќе користат големи плочи за греење за да направат тунел до авионот, а потоа работниците околу него со топла вода ќе направат пештера. P-38 ќе го расклопат на парчиња и ќе го пренесат на површината.
Истражувањето нема да заврши тука. Под ледот се наоѓаат уште четири летала од изгубената ескадрила, а тие не се единствените кои останале под ледената покривка. Тука има уште неколку авиони кои во текот на Втората светска војна летале над Гренланд кон Америка и обратно. Само 20 милји од местото каде што се наоѓа изгубената ескадрила, тимот и понатаму ја бара својата примарна цел, авионот Груман J2F Dak. Се верува дека во него сè уште се наоѓаат тројцата членови на екипажот.
