Состојки:
– 2 јајца
– 3 dl вода
– 180 гр брашно
– 1 главица кромид
– 400 гр мелено говедско месо
– половина црвена и половина зелена пиперка
– 2 чешниња лук
– 120 гр сирење
– 1 лажичка мелена пиперка
– 1 дл масло
– мешавина од зачини
Подготовка:
Во соодветен сад измешајте ги јајцата, брашното и водата, посолете и убаво измешајте за да добиете компактна маса.
Од таа смеса испечете осум палачинки. Кромидот и лукот ситно исечкајте ги и на малку масло пропржете ја и пиперката. Додадете мелено месо и динстајте со повремено додавање вода додека месото не омекне.
На крајот од динстањето додадете црвен пипер и зачини по вкус. Врз секоја палачинка се става по една лажица фил од месо, се посипува со малку сирење, па се завиткува.
Во намрсена тава ставете 4 палачинки и покријте ги со половина од приготвениот прелив. Одозгора наредете ги останатите палачинки и премачкајте ги со остатокот од преливот. Се пече во загреана рерна на 200 степени додека не порумени околу 30 минути.
Прелив:
– 80 гр маргарин
– 2 лажици брашно
– 3 дл млеко
– 20 гр пармезан
– 1 јајце
Подготовка:
Растопете го маргаринот, додадете брашно и кратко пропржете. Истурете го млекото и варете на умерена температура, мешајќи додека не се добие соодветната дебелина (подебела од тестото за палачинки).
Во изладениот сос додадете го изматеното јајце и пармезанот, сето тоа убаво измешајте и прелијте го врз палачинките.
