Актерката на премиерата на филмот „Бредвинер“ на Меѓународниот филмски фестивал во Торонто беше во придружба на своите деца.
Актерката Анџелина Џоли повторно го привлече вниманието на светските медиуми. Таа беше на премиерата на филмот „Бредвинер“, четвртиот ден на Меѓународниот филмски фестивал во Торонто, заедно со ќерките Шајло, Вивиен, Захара и синовите Нокс, Пакс и Медокс, со кои прошета на црвениот тепих.
Иако Анџелина не ја тргаше насмевката од лицето, многумина забележаа дека ослабела.
Актерката, која облече бел костум за овој настан, позираше пред фоторепортерите, но не се одвојуваше од децата.
Да потсетиме, Анџелина Џоли неoдамна се сретна со поранешниот сопруг Бред Пит, со кого, како што се зборува, сака да ги поправи односите.
