Принцот Хари е петти во линијата наследници на британскиот престол, по својот татко, престонаследникот Чарлс, брат му принцот Вилијам, малиот принц Џорџ и британската принцеза Шарлот.
Како и сопругата на принцот Вилијам, Кејт, ни Меган нема да стане принцеза веднаш по венчавката со Хари, наведе британската новинска агенција.
Младата двојка е заедно уште од јули 2016 година и венчавката треба да се одржи напролет в година. Ќе живеат во Нотингем Котиџ, кој е дел од Кенсингтонската палата во Лондон.
Првпат се појавила на телевизија во 2002 година во епизода на лекарската драма „Општа болница“, а потоа во повеќе ТВ-програми и филмови, како што е „Грозни шефови“, за на крајот славата да ја стекне во улогата на Рахел Жане во серијата „Косум“.
Таа се омажила во 2011 година со филмскиот продуцент Тревор Енгелсон од кого се развела две години подоцна.
Меган е позната по својата хуманитарна работа, а е дел од глобалниот проект со кој се бори за чиста вода и патувала во Африка за да го подигне значењето во врска со тоа.
Контроверзиите во врска со свршувачката
Веста за свршувањето на принцот Хари и холивудската актерка ги изненади многумина од двете страни на Атлантикот, особено во Британија. Причината е тоа што Маркл e мелеска и ќе биде првата американска жена што ќе се влезе во кралското семејство по речиси 81 година.
Како што пишува порталот „Вокс“, Маркл не е Кејт Мидлтон, која ретко се појавувала во јавност додека се забавувала со принцот Вилијам. Таа полека се стопила во улогата на идна британска кралица. Маркл, од друга страна, доаѓа од Лос Анџелес и има еден брак зад себе, таа е половина Еврејка и мелеска. Нејзината мајка е Афроамериканка, а татко ѝ е Евреин и белец.
Покрај наведеното, таа глумела и во популарната серија „Костум“ и редовно го водела својот блог.
Како што се дознава, двојката се збавувала, а британските таблоиди имале расистички и сексистички текстови, и принцот Хари морал да реагира по четири месеци осудувајќи го бранот на малтретирање и вознемирување што неговата девојка го трпела.
„Принцот Хари е загрижен поради безбедноста на госпоѓица Маркл и длабоко е разочаран што немал можност да ја заштити“, се наведува во соопштението.
Маркл на некој начин оди по стапките на Волис Симпсон, разведената Американка која се омажила пред 81 година за тогашниот крал Едвард Трети, кој морал да абдицира поради својот избор.
Разголени сцени
Занесната бринета остварила неколку улоги во сериите Castle, The League, Fringe, како и во филмовите Horrible Bosses и Remember Me. Сепак, најпозната е по серијата Suits за која снимила неколку провокативни сцени.
Актерката дала отказ во серијата во која глумела од 2011 година со улогата во која се прославила поради свршувањето за принцот Хари.
Британските таблоиди по сознанието дека принцот Хари и Меган се во врска, посегнаа по жешките сцени што ги снимила во Suits и ги пласираа најскандалозните детали од животот на Американката.
Најпрвин се откриени многу секси сцени, кои глумицата ги снимила, а се омилени меѓу милионите корисници на порностраницата Porn Hub. И покрај фактот дека актерката никогаш не снимила сцена целосно гола, кадрите од спомената серија беа доволно жешки за да завршат на најпознатата порностраница.
На интернет може да се пронајдат уште некои сцени од серијата, која брзо станала заразна за гледање.
Првиот брак и разводот
Маркл зад себе има еден пропаднат брак со филмскиот продуцент Тревор Енгелсон (41). Се венчале во 2011 година на Јамајка, но се развеле две години подоцна поради непремостливи разлики.
Се запознале во 2004 година и се забавувале шест години пред да стапат во брак. Венчваката траела четири дена.
Еден од инсајдерите изјавил дека нејзината улога во серијата Suits е виновна за разводот, но и фактот дека долго време биле раздвоени.
Британски „Сан“ пренел дека нејзиниот поранешен маж планирал да сними серија за разведениата Американка што се мажи за принц, приказна што ја знае од прва рака.
Семејството
Маркл е родена во Лос Анџелес во 1981 година, татко ѝ бил директор во ТВ-сапуници, а мајка ѝ клинички терапевт.
Нејзините родители се развеле кога имала шест години. Одела во католичко училиште за девојчиња. Тогаш сè уште го користела своето вистинско име Рејчел Маркл. Меган ѝ е средно име и го користела кога решила да влезе во актерските води.
Доаѓа од мешан брак. Томас Маркл е татко ѝ, кој има англиски и германски корени, а мајка ѝ е Афроамериканка.
Меган емотивно пишувала за својата мајка Дорија Регладн и за тоа како е да се биде личност од две раси. Дорија магистрирала социјална работа и тоа релативно за кус временски период. Применувала јога, нешто на што од детството ја учела и својата ќерка.
Во своите рани интервјуа татко ѝ го опишува како највредна личност на светот.
Меган има полусестра Саманта (52), која е од првиот брак на татко ѝ. Таа ја критикувала Меган во медиумите обвинувајќи ја дека има лош однос кон татко ѝ. Полусестра ѝ ја нарекла нарцисоидна и себична и планирала да објави книга за семејните односи со семејството Маркл. Има три деца и се наоѓа во количка затоа што има мултиплекс склероза.
Исто така, има и полубрат, Томас Маркл, кој е помлад од неа и кој ја бранеше Меган во медиумите.
Гледајте го видеото:
