Спортистите отсекогаш важеле за мажи кои внимаваат на физичкиот изглед. Денес повеќето мажи се грижат за себе, редовно посетуваат фитнес центри, трчаат, пливаат, креваат тегови… Македонците од јавниот живот не се исклучок, а овие мажи се дел од нашите популарни личности со најубаво градени атлетски тела.
Дарко Спејко
Поранешниот победник на реалното шоу „Големиот брат“ и некогашен кошаркар, Спејко, е заштитно лице на неколку спортски брендови во Македонија. Соработката со нив ја оствари заради складно граденото тело.
Мартин Стефановски
Еден од најуспешните македонски пливачи најголемиот дел од денот го поминува во базените, а секојдневното пливање му помага да го дефинира своето тело.
Кирил Лазаров
Селекторот и капитен на македонската ракометна репрезентација секојдневно тренира. И иако нема нагласени мускули многумина го сметаат за еден од спортистите со најдобро градено тело.
Владимир Четкар
Џез-музичарот привлекува внимание со својот талент, но и со атлетски граденото тело. Обожава да плива, особено кога е во Охрид.
Стефан Филиповски
Стефан долги години гради успешна музичка кариера, но последниве години големо внимание посветуваа на физичкиот изглед. Ужива во трчањето, а трчал и на Скопскиот маратон.
Петар Георгиевски – Камиказа
Музичарот неколкупати трчал на маратоните во земјава, честопати оди во теретана, а со добрата форма се фали преку разголените фотографии што ги објавува на својот профил.
Тони Зен
Раперот е познат по здравиот начин на живот и по честите посети на теретаната.
Дарко Глишиќ
Фудбалерот на „Докса“ од Кипар, покрај фудбалските тренинзи два пати дневно, редовно оди и во фитнес центар каде што работи на дефинирање на своето тело.
Никола Марковиќ
Моделот со интернационална кариера е редовен посетител на еден од градските фитнес центри во месеците кога е во Скопје.
Роберт Димитров – Телекабел
Бизнисменот Роберт Димитров, познат како Роби Телекабел, иако ја надмина 40. година многумина го сметааат за еден од мажите со најубаво градено тело кај нас.
Сашко Коцев
Актерот се грижи за себе и за својот добар изглед, па честопати добива улоги во кои треба да ги покаже рацете со дефинирани мускули.
