Шампионот во Формула 1, Луис Хамилтон, го исмеа своето внуче преку „Инстаграм“ и предизвика многубројни негативни реакции кај фановите. Во видеото тој го прашува својот внук зашто облекол фустан како принцеза.
„Многу сум тажен во моментот. Погледнете го внук ми“, почнува Хамилтон и ја врти камерата кон момчето. „Зошто си облекол фустан за принцеза? Тоа доби за Божик? Момчиња не носат фустани!“
Фановите веднаш му упатиле низа негативни коментари, разочарани од неговата реакција, особено што во биографијата на инстаграм-профилот на Хамилтон стои „инспирирајте, ширете љубов, живејте го секој ден до максимум“.
Хамилтон набргу потоа го избришал видеото, но тоа беше објавено и на „Твитер“, дополнето со негативни коментари за шампионот и неговата постапка.
Oh dear Lewis. You’ve just opened a can of worms… pic.twitter.com/fpsiNeOZrd
— NAB23 (1:1) (@JustNabz) December 25, 2017
