Ера Иштрефи, новата светска атракција неофицијално е една од учесничките на претстојниот “Ентер фест“ кој стартува на крајот на мај во Скопје. 23 годишната Ера Иштрефи за брзо време го привлече вниманието на британската и американската музичка индустрија со кои веќе соработува.
Ештрефи кој ја нарекуваат “Ријана од Косово“ стекна светска слава со нејзината песна “БонБон“ која има над 500 милиони прегледи на Јутјуб, бројка која не ја достигнуваат и многу познати светски пејачи.
Светските медиуми пишуваат дека Ера Иштрефи ќе ја достигне и Рита Ора но и Ријана, а за тоа во прилог и одат сите досегашни случувања како и покажаниот интерес за нејзината појава и глас.Иштрефи е родена во Приштина, нејзината мајка е позната албанска пејачка, Сузана Тахирислај и владееше со музичката сцена во 80 те години.
“Ентер фест“кој стартува во Скопје на крајот на мај и ќе трае шест дена е со амбиција да стане сериозна конкуренција на фестивалите во поширокиот регион. Организаторите за четврток најавија прес конференција на која ќе соопштат кој се доаѓа во Скопје од музичките ѕвезди. Идејата е главниот град на Македонија да стане епицентар на музичките случувања во шесте дена додека се одржува фестивалот.
