Атиџе Муратова запеа песна и доби стоечки овации на вчерашната „Златна бубамара на популарноста“ во А1 Арената. Со неа се појави и екипата од „Медена земја“ , семејството на Љутфие Сам, режисерката Тамара Котеска и кинематографот Фејми Даут.
„Не добивме Оскар во Америка, но добивме македонски Оскар“, рече Фејми Дут кога ја прими наградата за интернационален успех.
„ Светот се измори од лажни херои“, додаде Котеска и порача дека наклонетоста на целиот народ кон Атиџе и семејството од филмот е знак дека луѓето сакаат вистински херои. Како херои, медените беа пречекани во Арената.
