Реалното шоу Keeping Up with the Kardashians ќе заврши по 20 сезони, во 2021 година. Веста дека реалното шоу, што ги прослави семејствата Кардашијан и Џенер, завршува ја соопштија тие самите на „Инстаграм“.
„Со тешко срце мора да се збогуваме со шоуто ‘Кардашијанови’. По 14 години, т.е. 20 сезони, стотици епизоди и неколку спиноф-емисии, решивме како семејство да го завршиме ова толку специјално патување. Ние сме премногу благодарни на сите вас што нè следевте сиве овие години – низ добрите и лошите времиња, среќата, солзите и многуте врски и деца. Засекогаш ќе ги имаме прекрасните спомени и оние безброј луѓе што ги сретнавме на ова патешествие“, напишаа.
Реалното шоу почна да се прикажува 2007 година. Благодарение на него, Ким, Кортни и Клои Кардашијан, Кајли и Кендал Џенер, освен што се прославија во цел свет, заработија и милиони долари, почнаа свои кариери и отворија сопствени бизниси.
