Стефани Фрапар е првата дама која судеше меч во Лигата на шампионите. Таа вчера се запиша во историјата на фудбалот, кога се појави како главен судија на натпреварот меѓу Јувентус и Динамо Киев.
36-годишната Французинка е судија од 2011 година, а во 2014 година таа стана првата жена што судела меч во француската Лига 2. Во 2019 година, Фрапар судеше на мечот од француската Лига 1 меѓу Амиен и Стразбур.
Натпреварот на „Јувентус арена“ во Торино заврши со победа на Јувентус 3:0.
