Американскиот таблоид National Enquirer излезе со насловна страница, која вели дека британската кралица Елизабета Втора има уште неколку месеци живот.
Како што пренесуваат медиумите, во текстот пишува дека кралицата има проблеми со срцето поради што таа уште оваа година би можела да биде хоспитализирана.
Поради тоа што пандемијата на коронавирусот е во тек, како што тврдел извор близок до кралското семејство, кралицата не сака да зборува за своите проблеми.
„Таа не сака да зборува за својата здравствена состојба и одлучи да ја скрие од јавноста“, вели изворот.
Иако ваквата вест е шокирачка за голем број фанови на кралското семејство, од палатата засега не се премногу загрижени и се немаат огласено за споменатата тема.
