Холивудската актерка Сисели Тајсон почина на 96-годишна возраст. Веста за нејзината смрт ја објави нејзиниот менаџер. Засега не е позната причината за нејзината смрт.
Тајсон беше поранешен модел, а нејзината кариера траеше седум децении. Најмногу ќе остане запаметена по портретирањето на силните афроамерикански ликови.
Таа освои две награди „Еми“ за нејзината изведба во филмот од 1974 година во ерата на граѓанските права, „Автобиографијата на госпоѓицата Џејн Питман“.
Тајсон исто така стана првата црнкинка што ја презеде главната улога во ТВ-драмата East Side/West Side во 60-тите.
Доделувајќи ѝ претседателски медал за слобода во 2016 година, тогашниот американски претседател Барак Обама рече дека покрај нејзините достигнувања како актерка, таа го обликувала и текот на историјата.
