Изводот од Матичната книга на родените бил променет еден месец по раѓањето на Арчи и повеќе не ја наведува Рејчел Меган како мајка, туку нејзиното кралско височество, војвотката од Сасекс, објави британски „Мирор“.
Весникот тврди дека принцот Хари и Меган Маркл тивко ги избришале нејзините имиња од изводот на синот Арчи коментирајќи дека ова е потег без преседан.
Малиот Арчи е роден на 6 мај 2019 година, а неговото раѓање е регистрирано 11 дена подоцна, пред да се изврши промената на 5 јуни.
Документот веќе не ја покажува Рејчел Меган како мајка и наместо тоа, пишува – нејзиното кралско височество, војвотката од Сасекс. Невообичаената промена се случила во периодот кога се проширија шпекулациите за раздор меѓу Хари, брат му Вилијам и нивните партнери, пренесува „Сан“.
Тие тврдат дека ваквиот потег е вообичаен кај Кембриџови бидејќи сите три нивни деца ги имаат имињата на Кејт на изводите на родените.
