Во Сибир е пронајден првиот дијамант кој во себе содржи уште еден дијамант кој се движи слободно. Во историјата на ископување на скапоцени камења не е видено ништо слично досега.
Уникатното откритие е пронајдено во полето Накинско во Саја, а го истражувала компанијата „Алроса“, светски лидер во производство на дијаманти.
Староста на дијамантот се проценува на околу 800 милиони години. Тежок е 0,122 грама и има димензии 4,8 × 4,9 × 2,8 мм.
Руските научници веруваат дека внатрешниот дијамант бил формиран прв, а дека надворешниот се појавил подоцна.
Најинтересно било да се разбере како се формирал воздушен меур помеѓу двата дијаманти.
Постојат две главни хипотези.
Според првата, дијамантите првично биле заробени во рудата, а потоа се раствориле на површината.
Според втората хипотеза, поради ултра-брзиот раст на дијамантот, се формирал слој од порозен материјал, кој потоа бил растворен со поагресивни процеси.
„Ова е навистина уникатна креација“, рече Олег Ковалчук, заменик директор за истражување на иновации во Алроса.
