Автопортрет во вид на карикатура, што го нацртал Курт Кобејн 1992 година, се продаде на аукција за 281.000 долари. Делото се продаде преку аукциската куќа „Џулиенс“, а првичната цена беше 10.000 долари.
Фронтменот на „Нирвана“ на карикатурата е прикажан како свири гитара и напишал: „Не знам да свирам и баш ми е гајле“.
Цртежот е насликан за време на гостувањето на „Нирвана“ во Сингапур на промоцијата на албумот Nevermind и првично бил подарок за фотографот Жак Чонг, кој го дружел Кобејн во тој период.
