(Видео) Путин погреши на часот по историја, ученик го поправи, ама тоа не му се допадна на директорот

 Рускиот претседател Владимир Путин присуствуваше во едно училиште на првиот училиштен час, каде што сподели некои информации од историјата на Русија. За време на својот говор тој згреши, па еден ученик го поправи во врска со Петар Велики.

„Петар Велики (1675-1725) не се бореше во седумгодишната војна, туку во Големата северна војна, која траеше 21 година“, му рече момчето на Путин.

Рускиот лидер му се заблагодари, но директорот на училиштето го предупреди ученикот поради одредена дрскост, пренесуваат медиумите.

 

Критичките медиуми на Кремљ и опозициските политичари ја пофалија реакцијата на ученикот. Кира Јармуш, портпаролка на затворениот дисидент Алексеј Навални, го критикува директорот на училиштето, кој, според неа, смета дека училиштето не треба да учи факти, туку послушност и сервилност.

Овој настан на првиот училишетн ден по летните одмори во Русија, предизвика реакции во земјата и го натера да се огласи портпаролот на Путин, Дмитриј Песков.

„Тоа не беше дрско. Воопшто не се согласуваме со директорот на училиштето”, рече тој додавајќи дека се надева оти ученикот подоцна нема да биде казнет.

Поврзани вести

Scroll to Top