Откако лани поради пандемијата останаа дома, јавните личности Нова година ја дочекаа во клубови и по кафеани. Некои работно, други излегоа за да се забавуваат. Но, имаше и такви што останаа дома со семејството.
Повеќето, новогодишните слики ги објавија пред да излезат на забава и открија како се дотерале за журка. Дамите и овојпат се потрудиле со стилот. Едни со шлиц до колк, други со длабоко деколте, а имаше и такви што избраа краток фустан. Мажите беа поопуштени во стилот. Доминираа црните кошули, а имаше и такви што избраа фармерки.
