Порталот „Е! Online“ ја објави листата на објави кои собрале најмногу лајкови во 2021 година. На прво место се најде фотографијата на Кристијано Роналдо. Тој објави дека заедно со неговата партнерка Џорџина Родригез очекуваат близнаци, а фотографијата од крајот на октомври собра повеќе од 32 милиони лајкови.
„Пресреќни сме што можеме да објавиме дека очекуваме близнаци. Нашите срца се полни со љубов, едвај чекаме да ве запознаеме“, напиша познатиот фудбалер со објава на која заедно со Џорџина држат фотографија од ултразвук.
Кристијано има 387 милиони следбеници, а фотографијата ја искоментираа половина милион луѓе.
View this post on Instagram
На второ место се најде фотографија од венчавката на пејачката Аријана Гранде (28), каде позира со сопругот Далтон Гомез (26). Таа има 26 милиони лајкови.
View this post on Instagram
На трето место е Кајли Џенер (24) која со видео ја информираше јавноста дека е бремена. Видеото е прегледано 154 милиони пати и има 24 милиони лајкови.
На четвртото место е пејачката Били Ајлиш (20). Таа лани во март ги изненади фановите со нова фризура и собра 23 милиони лајкови.
View this post on Instagram
На петто место е Лионел Меси (34), кој објави фотографија по потпишувањето на договорот со францускиот фудбалски клуб ПСЖ. Таа им се допадна на 22 милиони луѓе.
View this post on Instagram
