Винс Панкок, пензиониран агент на ФБИ, верува дека го открил името на човекот кој го предал семејството на Ана Франк на Нацистите. Тој смета дека станува збор за Арнолд ван дер Берг, еврејски нотар кој станал нацистички доушник за да го спаси своето семејство. Со години се шпекулираше дека Ана и нејзиното семејство биле откриени од Гестапо во 1944 година благодарение на непознат информатор, но сега се знае неговото име.
Изминатите шест години, Винс Панкок, кој 30 години работеше за ФБИ бркајќи ги колумбиските нарко-картели, се обидел да го реши овој застарен случај со помош на модерна технологија. Панкок и неговиот тим користеле вештачка интелигенција за да бараат податоци и оригинални документи за семејството Франк кои ги доведоа до потенцијалниот виновник.
Панкок верува дека Ван ден Берг бил нацистички доушник, а според него, она што е уште поневеројатно, е дека таткото на Ана, Ото, знаел сè за тоа.
Ван ден Берг бил член на Еврејскиот совет во Амстердам, формиран од нацистите за да го надгледува еврејското население што сакале да го истребат. Советот имал списоци на сите локални Евреи.
Бидејќи Ван ден Берг не бил испратен во концентрационен логор пред крајот на војната, кога нацистите ги растуриле еврејските совети, Панкок и неговиот тим веруваат дека успеал да се спаси себеси и своето семејство со предавство на други Евреи. Ван ден Берг починал во Лондон во 1950 година. Причината за неговата смрт е непозната.
Ана водела дневник две години, криејќи се зад полица за книги, а нејзините дневни белешки, објавени по војната, ја направиле глобално препознатлив симбол на холокаустот. Ана починала во концентрациониот логор Берген-Белсен на 15 години.
Панкок и неговиот тим ги посетиле скриените соби во кои живеело семејството Франк во потрага по нови докази. За да откријат кој ѝ кажал на полицијата каде се кријат, истражителите, вклучително и психолог, историчар, криминолог, иследник за воени злосторства и неколку архивари, користеле стандардни полициски техники за испрашување и проучување на различни осомничени врз основа на принципите на „знаење, мотив и можност“.
Со помош на вештачката интелигенција, тие прегледале купишта архивски материјали, податоци, писма, фотографии и масакри и ја стесниле истрагата на доушник кој бил или антисемитски или фалсификуван за пари. Од десетина потенцијални осомничени, се појавило името на Арнолд ван ден Берг.
Ван ден Берг бил познат еврејски бизнисмен кој живеел во Амстердам со сопругата и децата.
„Ја започнавме потрагата. И не можевме да го најдеме Арнолд ван ден Берг или некој од членовите на неговото потесно семејство во тие кампови. Изгледаше дека живее нормален живот и покрај тоа што беше во Холандија окупирана од нацистите, додека Евреите беа однесени во концентрациони логори насекаде околу него“, објаснил Панкок за „Си-би-ес“.
Панкок претпоставил дека Ван ден Берг морал да има некаков облик на заштита и влијание врз нацистите.
„Ван ден Берг не беше депортиран“, изјави холандскиот новинар Питер ван Твиск, кој работел на истражувачкиот проект на тимот. „Отидовме во градските архиви и најдовме докази дека тој всушност е „Аријанизиран“, па го загуби својот еврејски идентитет за време на војната. Тоа беше вистински подвиг“, пишува холандскиот весник „Де Волкстрант“.
„Мислам дека ја решивме мистеријата стара 77 години“, рекол Панкок.
