Фудбалерот на грчкиот тим Јуполи, Александрос Лампис почина на 21 годишна возраст. Тој починал откако колабирал на теренот уште во петтата минута од натпреварот против Енормијада, а итната помош доцнела 20 минути, пренесуваат гречките медиуми.
Лекарите се обиделе да го спасат со дефибрилатор, но безупешно.
„Наш Алеко, наш брат и пријател. Замина така неправедно. Целиот тим и целиот град денеска тагуваат. Нема вистински зборови, само неподнослива болка и кнедла во грлото. Среќен пат во вечноста, Алекара“, напишаа од неговиот клуб на социјалните мрежи.
