Актерката Сали Келерман почина на 84 години во дом за стари лица откако се борела со деменција. Веста за смртта ја потврди нејзиниот син Џек Крејн.
Сали беше најпозната по улогата на Маргарет „жешки усни“ во серијата M*A*S*H на Роберт Алтман, а за улогата во истоимениот филм беше номинирана за Оскар. Иако улогата ја одбележа нејзината кариера, таа сакаше да се ослободи од популарниот прекар. Во едно интервју таа изјавила дека обожавателите на улица ѝ се обраќале со „Еј, жешки усни“, што ѝ пречело.
View this post on Instagram
Келерман ќе остане запаметена и по нејзината улога во третиот филм од серијалот „Ѕвездени патеки“, Where No Man Has Gone Before, во која ја играше д-р Елизабет Денер.
Актерката во текот на нејзината кариера се појави во над 150 филмови и серии, а во 2013 година објави книга наречена Read My Lips: Stories of a Hollywood Life.
Покрај актерската кариера, таа и пееше. Често снимаше реклами, а го позајми гласот и во неколку цртани серии.
