Познатиот американски кошаркар Раџон Рондо ѝ се заканувал на бившата сопруга дека ќе ја убие, пренесе TMZ Sport. Тој посегнал со пиштолот на неговата поранешна партнерка и мајка на неговите деца Ешли Бечелор. Драмата се случила минатата недела во нивниот дом во Лујвилу.
Бечелор веднаш повикала полиција и побарала заштита за нејзиниот син и ќерка. Расправијата се случила додека Рондо играл видеоигра со синот, а Ешли од синот побарала помош додека ги средувала алиштата. Тогаш Рондо наводно збеснал.
Двократниот НБА-шампион ја скршил конзолата, а потоа продолжил да прави хаос низ куќата и кршел сè што му било пред патот. Тогаш Рондо излегол од дома, а се вратил по 15 минути со пиштол. Ешли се обидела да го смири затоа што се плашела за децата. Вели дека Рондо бил непресметлив во тие моменти.
„Се плашам за мојата и сигурноста на моите деца. Ронди и претходно се случувало да стане насилен. Емотивно, вербално и финансиски нè злопотребуваше. Често ги удираше децата. Повеќе пати ми се закануваше дека ќе ме застрела“, рече Бачелор во полицијата.
Таа побарала заштита од полицијата затоа што се плаши дека Рондо ќе се врати и ќе ја убие. Во моментов полицијата трага по него. Рондо има 36 години и најдобрите денови во кариерата ги минува во Бостон, тим со кој стана шампион во 2008 година.
Потоа играше за Далас, Сакраменто, Чикаго, Њу Орлеанс, Лејкерси, Атланта, Клиперс и пак за Лејкерси со кој стана и шампион, додека од летото е член на Кливленд. Засега никој од неговите адвокати се немаат огласено во јавноста за овој инцидент.
