Македонската група Дупер, доби награда за најдобар спот по поп категорија на Музичките видео награди што ги организира MuzzikTV од Србија. Тие наградата ја добија за спотот „Рајот на земјата“.
„Фала ви на сите што гласавте и ни ја донесовте оваа преубава награда дома! ‘Рајот на земјата’ е официјално најдобар спот во поп категоријата на MVA2021. За скоро нешто ново од нас“, велат момците од бендот.
Музиката, текстот и аранжманот на песната се на Дупер, а снимена е во студиото „Подрумот“.
