Една недела откако кажа дека си заминува од емисијата „Брза кујна“, шеф Марк се пофали дека ќе готви специјалитети на Маврово. Тој објави неколку фотки на Фејсбук и најави дека следниот викенд е на терасата Бистра, каде што сите што ќе дојдат ќе можат да ја пробаат неговата храна.
„Убавините и вкусовите од Маврово, специјално изготвено мени од шеф Марк“, стои во најавата.
Ова е дел од четиридневен настан на Маврово, каде што освен специјалитетите од познатиот готвач, гостите ќе можат да се забавуваат со настапите на „Сешн селекшн“, „Деј оф“, диџеј Димиш и диџеј Џи.
За потсетување, Марк де Јонг, познат како шеф Марк, по седум сезони си отиде од емисијата „Брза кујна“, преку која стана популарен во Македонија. Тогаш кажа дека е спремен за нови предизвици, а на своите колеги од шоуто им посака успех во следните сезони.
