Почина филмскиот режисер Жан-Лик Годар, кој беше на чело на револуционерниот француски Нов бран на кинематографијата. Тој почина на 91 година. На сцената стана славен со À bout de soufflé од 60-тите и ја почна серија позитивно критикувани дела. Неговата работа донесе нов жар и смелост во филмот. Тој влијаеше на низа режисери, од Квентин Тарантино до Мартин Скорсезе. Богатата лепеза на влијателни филмови на Годар во 60-тите ги вклучуваше и Le Mépris, Bande à Part и Alphaville.
Годар почна како филмски критичар пред да застане зад камерата со стилскиот и тензичен Breathless. Ѕвездите на филмот, Жан Себерг и Жан Пол Белмондо беа гламурозни на нов, лежерен начин, додека камерата постојано се движеше, монтажата беше брза и смела, а сценариото полуимпровизирано.
Режисерот еднаш рече: „Тоа беше филм што зеде сè што имаше направено филмот – девојки, гангстери, автомобили – го експлодира сето ова и стави крај, еднаш засекогаш, на стариот стил“.
Потоа следеше Le Petit Soldat – филм што беше забранет до 1963 година поради прикажување на тортура одобрена од владата.
Актерска екипа ја вклучуваше данската манекенка Ана Карина, која се омажи за Годар во 1961 година и продолжи да се појавува во низа од неговите најуспешни филмови.
Сними повеќе од 100 филмови. Неговото најново дело беше објавено во 2018 година. Годар доби почесен Оскар во 2011 година, со посвета: „За страст. За конфронтација. За нов вид кино“.
