Маргот Роби за време на говорот на BAFTA: A Life in Pictures откри дека била блиску да се откаже од глумата, но се предомислила кога го снимила филмот „Јас, Тоња“. Тогаш забележала дека е одлична актерка. Филмот е снимен е по вистинска приказна за уметничката лизгачка Тоња Хардинг и излезе во 2017 година.
„Кога го гледав филмот си реков дека сум добра актерка“, рече Роби.
Маргот е позната по улогата во филмот „Волкот од Вол Стрит“, но по тој филм, откри дека размислувала да се откаже од глумата, затоа што медиумското внимание кое го добивала ѝ бил преголем товарт. Подоцна сфатила дека е добра во тоа што го работи.
„Нешто се случи во тие рани фази и работите ми изгледаа грозни. Се сеќавам дека ѝ реков на мајка ми дека не сакам да го работам ова повеќе, а таа само ме погледна и рамнодушно ми рече дека е предоцна за такво нешто. Во тој момент сфатив дека треба да продолжам само напред“, рече Роби.
