По четири години пејачот Халид Бешлиќ одржа голем концерт во Арената Загреб. Салата беше преполна со 20.000 обожаватели. Атмосферата беше сјајна, а публиката танцуваше и ги пееше во еден глас неговите хитови. Делови од тоа што се случуваше на концертот сними и хрватскиот водител Далибор Петко.
Халид ги испеа неговите најголеми хитови „Романија“, „Во мене есен е“, а имаше и изненадуавња за публиката. Го повика на сцена глумецот Енис Бешлагиќ, со кого заедно ја пееја „Јас без тебе не можам да живеам“.
Заедно со Енис пееше и финалистот од „Ѕвездите на Гранд“, Ханад Џехверовиќ и пејачката Николина Ковач. Медиумите пренесоа дека билетите за големиот концерт во загрепската Арена биле распродадени еден месец пред концертот и дека Халид уште еднаш покажал дека е еден од најдобрите пејачи на народна музика.
За потсетување, неодамна на 27 ноември, за првпат одржа и концерт во Скопје, во преполната сала „Борис Трајковски“.
