Филмската приказна „Комедија на три ката“ од премиерата во кината ја виделе повеќе од 80.000 гледачи. Поради големиот интерес, кино дистрибуцијата наскоро ќе биде проширена во регионот, а публиката во Хрватска, Словенија и Македонија ќе може да ужива во филмот веќе во јануари 2023 година.
Оригиналната приказна, како и одличната актерска екипа, придонеле за позитивните критики на гледачите, кои уживале во комичните и често луди авантури на станарите на една навидум обична станбена зграда во Белград.
Сето тоа на големото платно го донесоа Слободан Бода Нинковиќ и Јелисавета Сека Саблиќ, Весна Тривалиќ и Драган Гаги Јовановиќ, заедно со брилијантните улоги на Наташа Тапушковиќ, Љубомир Бандовиќ, Миодраг Радоњиќ, Вања Ненадиќ и Павле Менле. Покрај Сандра Митровиќ, која е режисерка и сценарист, во авторскиот тим, меѓу другите, се и продуцентот и помошник режисер Иван Грбин, ко-сценаристот Ноа Додсон, директорот на фотографија Душан Ивановиќ.
Зад оваа комична драма стојат продуцентските куќи Филленд и Телеком Србија.
