Во Драмски театар Скопје ќе се одржи премиера на претставата „Новогодишен сон“ во соработка со студиото за актерска игра „Прва проба“. Претставата е наменета за најмладата публика во која талентираните деца актери пред своите врсници ќе ја изведуваат оваа новогодишна претстава.
„Преку светкавите костими и оригинални песни децата – актери ќе направат новогодишен амбиент сите деца во публиката насмеани и среќни, со нетрпение и радост да ја дочекаат Нова 2023 година“, велат од Драмски.
„Новогодишен сон“ премиерно ќе биде прикажана на 24-ти декември во 13 часот, а на репертоарот на Драмски ќе биде до 30- ти декември.
Автор е Јулијана Мирчевска, а режисер Зоран Љутков. Костимографи на претставата се Раде Василев и Ратка Џамбазовска-Коцев, а автор на музиката Миодраг Неќак. Улогите ги толкуваат децата од студиото за актерска игра „Прва проба“: Марко – Матеј Настевски, Сонилија – Нина Симјаноска, Кошмара – Саша Димитриевска, Дремко – Бисера Анѓелков / Михаела Костовска, Спанко – Тео Манев, Мрзло – Ина Прокоповска / Елена Кочарева, Куклата Тина – Миа Живковска / Леа Стојков, Цветното војниче – Милош Тепавац, Месечко – Јанис Далајоргос / Илина Ефремова и Новата Година – Мила Велковска / Летиција Кондратенко.
