Предвидувањата на Нострадамус отсекогаш предизвикувале голем интерес кај луѓето. Тој низ вековите предвидел многу трагедии кои се случиле во различни земји во светот, предупреди на војни, распад на Советскиот Сојуз и слично. Според толкувањето на неговите писанија, 2023 година ќе биде полна со катастрофи и војни.
1. Трета светска војна
Според францускиот јасновидец, оваа година ќе почне Третата светска војна. Ова го толкуваат многу истражувачи на неговите писанија. Така, Џон Хог во својата книга „Нострадамус, потполно пророштво“ пишува дека глобален воен конфликт ќе се случи во 2020-тите. Во епицентарот ќе бидат Русија, САД и Кина.
2. Глад
Иако предвидувањата за глад претходно се припишуваа на 2022 година, сега истражувачите веруваат дека можеби францускиот научник имал ја имал на ум 2023 година. Ваквите несогласувања се должат на толкувањето на датумите. Според Нострадамус, луѓето кои гладуваат ќе почнат да се движат од место до место, но тоа нема да влијае на ситуацијата на кој било начин. Проблемите со водата за пиење и земјоделските култури поради употребата на хемиско и нуклеарно оружје ќе останат.
3. Економска криза
Колапсот на економијата во 2023 година, што го виде Нострадамус, може да се смета за природна последица на глобалниот конфликт. Џозеф Јохманс, кој ги проучува античките текстови, вели дека во своите писанија Нострадамус зборувал за амортизацијата на парите. Во 2023 година луѓето наводно ќе палат огнови со банкноти, бидејќи парите повеќе нема да одговараат за ништо друго. Ќе има немири бидејќи штедачите упаѓаат во банките барајќи отштета, но вратите нема да им се отворат.
4. Природни непогоди
Нострадамус предвиде дека 21 век ќе биде обележан со голем број секакви природни катастрофи и непогоди. Нема да биде исклучок ни 2023 година за која тој видел промена во орбитата на Земјата. Освен тоа, истражувачите веруваат дека Нострадамус го предвидел падот на огромен метеорит на нашата планета, оти во едно писание стои дека огнена патека ќе се појави на небото. Како резултат на овој настан Англија и дел од САД ќе поминат под вода.
5. Вештачка интелигенција
Многу автори на публикации посветени на предвидувањата на Нострадамус се сигурни дека Французинот опишал и некаков вид „бунт на машините“ што ги чека земјите во иднина. Постои претпоставка дека зборуваме за вештачка интелигенција, која на крајот ќе ја зароби целата планета користејќи Интернет. Слични информации неодамна се појавија во некои западни медиуми. Сепак, има и такви кои повикуваат да не се верува во сè непромислено.
