Таткото на Ријана, Роналд Фенти, изјавил дека за бременоста на ќерката дознал како и сите други за време на спортски настан. Тој изјавата ја дал откако пејачката на Супербол потврди дека го чека своето второ дете.
Тој изјави за ТМЗ дека не знаел дека неговата ќерка очекува второ дете со Роки.
„О Боже мој, моето девојче е бремена“, се сеќава Роналд како рекол на полувремето на Супербол кога Ријана настапувала.
Тој додал дека е многу возбуден поради новото засилување во семејството и дека се надева дека Ријана ќе роди девојче.
Инаку, Ријана и нејзиниот татко со години имале проблематична врска. Во септември 2021 година, пејачката се откажа од тужбата што ја поднесе против него.
Таа го обвини дека го злоупотребил нејзиното име во корист на сопствената компанија, но се верува дека случајот го решиле вонсудски.
