Славниот фудбалер Жерар Пике рече дека е среќен и дека не жали за ништо, а со тоа конечно и одговори на критиките од јавноста поради неговото неверство и односот со поранешната партнерка Шакира.
Пике за магазинот „Pais“ вели дека дека не му е гајле што мислат останатите и дека е среќен и дека му значат оние кои го сакаат.
„Многу сум среќен, дојде до бројни промени во мојот живот и успеав да ја одржам својата среќа. Еден ден, кога ќе се осврнам наназад, ќе се надевам дека секогаш сум го правел тоа што сум го сакал. Сакам да останам верен на себе. Не сакам да трошам пари на поправање на својот имиџ“, изјавил Пике којшто сега наводно живее со својата нова девојка, Клара Чиа Марти.
Исто така Пике изјавил дека тој и Шакира го прават тоа што мислат дека е најдобро за нивните деца. Пике неодамна на Инстаграм ја објави првата заедничка фотографија со својата нова девојка која предизвика бројни негативни коментари затоа што со неа ја изневери Шакира. Многумина му рекоа дека дека го „уништува животот на неговите деца“ и дека „треба да му биде срам за тоа“.
