По заминувањето на Шакира со нејзините синови Милан и Саша во Мајами, таа преку својот Инстаграм профил јавно побара од новинарите и медиумите да ја почитуваат приватноста на нејзините деца.
„Во овој момент на промени во мојот живот како јавна личност, разбирливо е дека постои постојана медиумска љубопитност за мене и моето семејство. Сепак, моите деца, Милан и Саша, преживеаја многу тешка година, трпејќи постојана опсада и немилосрден прогон од страна на папараците и разни медиуми во Барселона. Сега кога тие започнуваат нова фаза во нивните животи, силно ги молам медиумите во име на моите деца да го почитуваат нивното право на приватност. Ве молам да не ги следите до излезот или влезот на училиштето, почекајте ги на вратата од нашата куќа или следете ги на нивните воннаставни и рекреативни активности, како што се случуваше секој ден во Барселона за да ги добиете најдобрите можни фотографии или видеа“, напиша пејачката.
„Верувам дека новинарите и фотографите се чувствителни на ситуацијата во која се наоѓаат Милан и Саша и дека можат најхумано да се однесуваат кон нив, со оглед на тоа што се работи за здравјето, физичкиот и емоционалниот интегритет на две малолетници на возраст под 8 и 10 години кои само сакаат да излезат и да одат на училиште, чувствувајќи се безбедно и сигурно затоа што не се демнети или под постојан надзор“, стои во објавата на колумбиската пејачка.
„Ова барање повеќе не го упатувам како уметник, туку како мајка која сака да ги штити и да се грижи за менталната и емоционалната благосостојба на своите деца за да можат да живеат здрав и среќен живот, како што го заслужува секое дете. Ви благодарам за вашето разбирање и поддршка“, напишала Шакира во својата молба.
Бројни следбеници ја поддржаа во коментарите и особено ја пофалија што не бара ништо за себе, туку за нејзините деца кои моментално се во незавидна ситуација.
View this post on Instagram
