Светската премиера на вселенскиот филмски спектакл „Предизвик“ во режија на Клим Шипенко привлече големо внимание не само кај гледачите во московското кино „Октобар“, каде што беше прикажан за прв пат, туку и ширум светот. Ова е првиот долгометражен филм снимен во вселената, на Меѓународната вселенска станица, 400 километри над површината на земјата. Во фокусот е и српскиот актер Милош Биковиќ, кој ја толкува главната машка улога, пишуваат „Вечерње новости“.
Во пресрет на вечерашната премиера во Белград во киното „Синеплекс Галерија“, Биковиќ иткрива дека не бил во вселената, но имал тешки снимки за кои не бил ангажиран двојник. Тој бил во авион кој се спуштал од 9.000 метри надморска височина до 6.000, со цел на тимот да му даде 23 секунди бестежинска состојба, при што морале да летаат од една точка до пациентот. Така тој бил десет пати на ден во бестежинска состојба, а по пауза – уште десет пати.
„За еден ден имав петкратна задача, за чија тежина станав свесен дури кога ја исполнив“, изјавил Биковиќ за „Вечерње новости“.
„Морав да ги научам професионалните имиња и изрази на торакалната хирургија, да седнам во авион и да одам на височина од 9.000 метри, така што кога авионот ќе влезе во слободен пад во бестежинска состојба, морав да ги извршувам процесите на симулација на торакалната хирургија. Во исто време, морав да зборувам на руски кој не ми е мајчин јазик. Беше комплицирано, иако не изгледаше така кога снимавме. Бев фокусиран на она што треба да го направам“, раскажал Биковиќ.
Освен стандардната подготовка за улогата, која вклучува доловување на психолошкиот профил на херојот, неговата мотивација и карактер, морал да научи и за работата на торакален хирург и да помине дел од обуката за космонаути.
Чувството да се најдете во бестежинска состојба, го опишува како уникатно и тешко да се опише со зборови.
„Не се плашев, бидејќи бев фокусиран на актерската задача. Бев опкружен со професионалци кои правеа се за да се чувствувам безбедно. Бев во сигурни раце. Не се плашев од бестежинска состојба, бев фокусиран на задачата што ми требаше“, изјавил Биковиќ.
За соработката со рускиот режисерот Клим Шипенко, со кој претходно соработуваа на филмот „Слуга“, вели се покажало добро и влегло во историјата.
„Филмот „Слуга“ стана најгледаниот филм на сите времиња во руските кина таа година, додека „Предизвик“ беше првиот филм во историјата снимен во вселената. Верувам во расудувањето и начинот на работа на Клим. А тоа значи многу во бизнис каде што никој не може ништо да предвиди“, раскажал српскиот актер.
Тој зборувајќи врз основа на неговото искуство потешко е да се занимава со производство во Србија отколку во Русија. Во Србија нема пазар, а филмот е товар на државата. Има пазар во Русија и можеш да се занимаваш со филм како бизнис. Се исплати да се инвестира во филмот, вели Биковиќ.
