Рајнхолд Меснер е италијански авантурист кој ги освои сите 14 светски врвови повисоки од 8.000 метри, а прв се искачи на Монт Еверест без дополнителен кислород во официјална експедиција во 1978 година.
Токму Рајнхолд Меснер го основал планинарскиот музеј Коронес, кој се наоѓа на врвот на планина. Поточно, се наоѓа на врвот на Кронплац на 2275 метри височина и нуди спектакуларен поглед на Доломитите во Јужен Тирол.
Рајнхолд Меснер го отворил овој музеј на северот на Италија во 2015 година и го посветил на традиционалната планинарска историја. Овде можете да погледнете предмети, алатки и фотографии кои сведочат за неговите планинарски потфати.
Главната атракција на музејот е неговата локација со прекрасна испакната палуба за набљудување и уникатниот изглед на зградата, за која е задолжена познатата архитектка со ирачко-британски корени, Заха Хадид.
Музејот Коронес е круна на сеопфатната работа на Меснер и последниот од шесте музејски проекти посветени на планинарството. Во исто време, тој не е единствениот музеј кој се наоѓа на врвот на планината.
Музејот на облакот Меснер се наоѓа на врвот на Рита во Доломитите на надморска височина од 2.181 метри, а Светот на мразот е посветен на мразот во подземна структура на 1.900 метри надморска височина во Сулден ам Ортлер, Италија.
