Едно од најголеми музички имиња на сите времиња, Габи Новак, денес го слави својот 87 роденден. Родена е во 1936 година во Берлин. Нејзиниот татко Ѓуро Новак е од Хвар, а нејзината мајка Елизабет Рајман е Германка од Берлин. Детството го поминала во Берлин. За време на војната, нејзината мајка и татко ја однеле тригодишната Габи од Берлин во Загреб, а потоа ја испратиле кај баба ѝ и дедо ѝ на Хвар.
Кон крајот на војната, нејзиниот татко бил погубен без објаснување. Следеле години кои ги минала во мала соба со нејзината мајка додека не можела да најде работа во повоен Загреб.
И иако почетокот на нејзиниот живот е обележан со трагедија, воен виор, загуба на татко и ѝ сиромаштија, таа за тоа зборува одмерено, елегантно и со внимателно одбрани зборови и со неверојатна смиреност.
„Мислам дека така растењето те подготвува и те учи да ги почитуваш и знаеш да си ги оценуваш животните фази, прифаќаш и добро и зло и судбина, размислуваш поинаку за тоа“, рекла Габи, која се запишала на Факултетот за применета уметност. Габи беше графичар, а најпрвин работеше во Вјесник, а потоа и во Загреб филм. Таму таа почна да им позајмува гласови на анимирани херои. Ја забележал композиторот Бојан Адамиќ кој ја поканил да гостува на концертите на Биг Бенд во Љубљана. Во 1958 година Габи решила целосно да се посвети на музиката, а истата година го запознала Арсен Дедиќ во Загреб пред некогашното телевизиско студио на аголот на улиците Шубиќева и Звонимирова.
„Нè запозна Марио Бољуни. А, Арсен му рече: „Не ми зборувај аман, па веројатно знам која е Габи Новак“. Веќе и во тетратка во Шибеник ми е нејзината слика“. И навистина ја донесе тетратка веќе на следната проба. Веднаш знаев дека ќе бидеме прекрасни пријатели и многу блиски. Тоа е она што не водеше цел живот, сè додека не решивме да почнеме да излегуваме заедно. Всушност решивме да почнеме нешто посериозно и сфативме дека тоа е тоа. Матија е роден во 73-та година, а потоа се венчавме, Арсен рече дека нема да се венчаме „додека не му родам дете“, замисли … Рече: „А ако е момче, тогаш си моја до крајот на животот“ – рече Габи.
„Во тоа време, јас бев само почетник, Габи пееше со музичари како Луис Армстронг – ни помалку ни повеќе – се сеќавал во една прилика Арсен.
Арсен почна да пишува за Габи. Од почетокот тоа беа преработки на песни, а потоа и авторски песни. Габи тогаш беше веќе голема ѕвезда, откако ја освои публиката на фестивалот во Загреб во 1959 година со песната „Љубов или шега“, но и ја испеа евергринот „Среќен пат“ во филмот H-8. И двајцата беа предходно во брак. Арсен беше во брак со Весна Матош, внука на големиот Антун Густав -Матош, со која ја доби ќерката Сандра. Габи веќе имаше еден брак со Богдан Дебењак, а втор сопруг и беше познатиот композитор Стипица Калоѓера.
Пријателството се претвори во љубов. Тие се венчаа во 1973 година, а кум им беше големиот италијански музичар Џино Паоли.
Еден месец претходно се роди синот Матија. На Матија не му беше лесно да порасне со епитетот „Арсенов и Габин мали“. Сепак, својата личност и љубов кон музиката ја покажа кога по средното образование се запиша на Академијата за пијано во Грац – насока џез, и стана голема ѕвезда, позната во светот. Токму тој ја советуваше нејзината мајка да се врати во џезот во 2003 година.
