Од минатиот викенд повторно е отворен хотелскиот ресорт Аман Свети Стефан во Црна Гора. Од петок на гостите им е дозволен престој во Вила Милочер и само за нив е резервирана прекрасната Краљева плажа. На оваа плажа можат да одат и други посетители, но доколку платат 200 евра за лежалки.
Плажата Милочер го доби името Краљева плажа токму затоа што се наоѓа веднаш до вилата Милочер, поранешната летна резиденција на династијата Караѓорѓевиќ. Опкружен е со уреден парк со голем број егзотични растенија, а покриен е со најситен песок и е долг 380 m.
Последниве години жителите на Свети Стефан протестираа против забраната за пристап до Краљева плажа, па одморалиштето беше затворено. Во меѓувреме заедно со Владата најдоа заеднички јазик.
„Таа мала Краљева плажа, беше затворена цел ден и ноќ. Сега таа плажа е отворена, но отворена е така што од осум наутро до осум навечер имаат посебен режим. Моравме да се согласиме на тоа“, изјавил Владислав Митровиќ, претседател на Месната заедница Свети Стефан.
Кога станува збор за самиот остров Свети Стефан, тој претходно беше отворен за туристички тури, но немаше многу посетители бидејќи туристите главно не се информирани за турите. Билетите чинат 25 евра, а како што е најавено, до крајот на летната сезона, по таа цена, посетителите во придружба на водич ќе имаат можност да изберат еден од шесте термини за прошетка низ островот, додека децата до 12 години можеда го посетат без да платат билет.
Исто така, најавено е дека во зима влезот ќе биде десет евра, додека вонсезонските тури ќе бидат бесплатни за сите образовни институции од територијата на Црна Гора.
