Тими Џин Линдзи била првата жена која што вградила силиконски гради, во 1962 година. Тими тогаш имал 29 години, а операцијата била извршена бесплатно во болница во Хјустон, Тексас. Неколку години по операцијата, изјавила дека изгледале совршено.
„Мислев дека испаднаа совршено. Беа меки и исто како вистинските. Но, навистина не знаев колкава е разликата додека не излегов на улица и мажите почнаа да ми свиркаат, изјавила таа.
Линдзи никогаш не планирала да ги зголеми градите, но вградувањето силиконски импланти ја зголемило нејзината самодоверба иако тоа не била нејзина намера.
Оваа жена била работник во фабрика во Тексас и била во брак петнаесет години, бидејќи никогаш немала доволно пари, била воодушевена кога и била понудена бесплатна операција за зголемување на градите, иако вели дека повеќе се грижела за ушите бидејќи изгледала „како Дамбо“.
Стануваше збор за двајца хирурзи, Френк Героу и Томас Кронин. Героу прв го смислил планот за нов тип на имплант на гради.
„Френк Героу еднаш стиснал пластична кеса со крв и забележал колку личи на женски гради под неговите прсти. И тогаш добил идеја“, вели Тереза Риордан, автор на книгата „Измислување убавина: историја на иновациите што нè направиле убави“.
Првото морско прасе за силиконски имплант било куче по име Есмералда.
„Јас бев задолжен за кучето. Имплантот беше вметнат под кожата и оставен неколку недели, но Есмералда на крајот ги гризеше конците и имплантот мораше да се отстрани“, вели Томас Бигс кој работел со Героу и Кронин во 1962 година.
Операцијата се сметала за успешна и започнала потрагата по жени кои би сакале да вградат силиконски гради.
Десет години по операцијата, Тими Џин Линдзи почнала да чувствува болка. Градите прво ја болеле при физичка активност, а потоа и во други ситуации. Таа исто така добила осип.
Локален лекар ѝ рекол дека можеби тоа и се случило поради имплантите, но доктор Героу тоа го негирал. Тими му верувала на доктор Героу. Почнала да оди и на психијатар бидејќи други лекари и рекле дека нејзините проблеми се психосоматски.
Д-р Героу ја уверил дека силиконите сигурно не ја разболуваат. Тоа било време кога проблеми со импланти се појавиле и кај други жени. Околу 300.000 од нив, меѓу кои и некои од роднините на Тими, поднеле тужби против Dow Corning, која ги откупил правата на имплантите од Героу и Кронин, поради бројните здравствени проблеми што ги имале жените по операцијата.
Тие добиле голема отштета, но Тими одбила да им се придружи. Таа решила да му верува на доктор Героу до самиот крај. Поминале 50 години и оваа жена сè уште ги има истите силиконски гради, а во 2017 година изјавила: „Горда сум на она што го направив. Јас сум пионер на импланти од кои корист имаа илјадници жени“.
