Повеќе од 30 години, домот на Фреди Меркјури во Лондон беше недопрен, светилиште на легендарната суперѕвезда на рок-бендот „Квин“, кој почина во 1991 година на 45-годишна возраст.
Сега неговата содржина – од блескави сценски костими на Меркјури и рачно напишани стихови до слики и прекрасните предмети собрани на неговите патувања – беа изложени во Лондон, Њујорк, Лос Анџелес и Хонг Конг, а следниот месец ќе бидат на продажба. Над 33.000 предмети од лондонската куќа на Меркјури ќе се продаваат во аукциската куќа „Сотби“ во септември.
