На клинички мртов Американец му бил пресаден бубрег од свиња, кој функционира 32 дена по операцијата. Лекарите во Њујорк на 14 јули му го пресадиле органот на 57 годишен маж, кој бил мозочно мртов. Откако му ги извадиле бубрезите, му го пресадиле оној од свињата и го одржале во живот повеќе од еден месец.
Бубрегот на свињата функционира и 32 дена по трансплантацијата и тоа е најдолгиот период во кој човечкиот организам по таква операција не отфрлил животински орган. Ова го соопшти американскиот научен тим кој ја изведе операцијата, пишуваат американските медиуми.
„Органот од животинско потекло сè уште функционира и во телото на клинички мртов човек“, рекоа тие.
Researchers have reached a new milestone in the future of organ transplantation: a modified pig kidney transplanted into a human has been successfully functioning for 32 consecutive days.
Learn more about Dr. Robert Montgomery’s research: https://t.co/x8iQ2I4LTH pic.twitter.com/TCmCUf2msL
— NYU Langone Health (@nyulangone) August 16, 2023
Американецот Морис Милер е ставен на респиратор кој ја одржува работата на срцето и функционирањето на другите органи. Бубрегот на свињата произведува урина и други нуспродукти.
Лекарите користеле бубрег на генетски модифицирана свиња за да спречат човечкото тело да го препознае како туѓ предмет и да го отфрли.
Д-р Монтгомери, кој и самиот бил подложен на трансплантација на срцето, смета дека е многу важно на пациентите на листата на чекање да им се обезбедат што поголем број органи.
„Во моментов, околу 40 отсто од пациентите кои чекаат трансплантација умираат пред да дојдат на ред за операција“, рече тој.
