Кинезите ќе го поттикнуваат наталитетот со давање на пари на помладите од 25 години. Оваа мерка ќе се воведе во еден округ во источна Кина каде ќе им се нудат на паровите награда од 1.000 јуани околу 137 долари за да се венчаат доколку невестата има 25 години или е помлада.
На овој начин властите очекваат да ги охрабрат младите да се венчаат во услови кога во земјата се случува пад на наталитетот. Минатата недела, на официјалниот профил на WeChat на округот Чангшан е објавено известување за награда за промовирање брак и раѓање деца на соодветна возраст.
Со намалувањето на населението во Кина за прв пат по шест децении и брзото стареење, властите итно се обидуваат да спроведат низа мерки за зголемување на стапката на наталитет, вклучувајќи финансиски стимулации и подобрени капацитети за згрижување деца.
Според законската старосна граница во Кина, мажите можат да се венчаат на 22, а жените на 20 години, но бројот на парови кои избираат да се венчаат се намалува. Официјалната политика, исто така, придонесе за падот на наталитетот и го отежна раѓањето деца на немажените жени.
Стапката на бракови падна на рекордно ниско ниво минатата година, на 6,8 милиони, што е најниско од 1986 година, според владините бројки од јуни. Минатата година имало 800.000 бракови помалку отколку во 2021 година. Се проценува дека стапката на фертилитет во Кина е падната на рекордно ниско ниво од 1,09 во 2022 година, објавија државните медиуми.
Високите трошоци за грижа за децата и прекините во кариерата спречија многу жени да имаат повеќе деца или воопшто да немаат. Половата дискриминација и традиционалните стереотипи за жените кои се грижат за своите деца сè уште се распространети низ земјата.
Ниската доверба на потрошувачите и растечката загриженост за здравјето на кинеската економија се меѓу клучните фактори кои ги наведуваат младите Кинези како причини зошто не сакаат да се венчаат и да имаат деца.
