Мич Вајнхаус, таткото на прерано починатата пејачка Ејми Вајнхаус, ги тужеше стилистката Наоми Пери и девојката за која се шпекулираше дека била во врска со Ејми – Катриона Гурли.
Како што пишува „The Sun“, тој ја поднел тужбата затоа што наводно ги задржале парите од продажбата на работите на неговата ќерка и заработиле над три милиони фунти на аукцијата одржана во 2021 година во Беверли Хилс.
Тие требало да ги вратат парите во фондот кој бил формиран за зачувување на споменот на Ејми, но никогаш не го сториле тоа, како што тврди Мич.
Според понатамошните извештаи, стилистот на Ејми го продал фустанот што пејачката го носела на нејзиниот последен концерт во Белград за дури 200.000 фунти. Меѓу продадените работи, како што пренесуваат споменатите медиуми, имало и белешки од Вајнхаус.
„Две лица продадоа голем број предмети на таа аукција и ги задржаа приходите. Сите предмети беа поврзани со Ејми. Оваа година тие ставија повеќе предмети поврзани со Ејми на аукција. Двете аукции донесоа по шестцифрена сума за секоја од нив“, се вели во соопштението на фондацијата.
