Ќерката на Брус Вилис, Талула Вилис, во средата гостуваше во емисијата „The Drew Barrymore Show“, каде зборуваше за здравјето на нејзиниот татко.
Пред речиси една година светот беше шокиран од веста дека еден од најдобрите акциони херои на големото платно се повлекува од светот на филмот.
На Брус Вилис првично му беше дијагностицирана афазија, болест на губење на способноста за зборување, за подоцна да му биде дијагностицирана ретка форма на деменција.
Неговата ќерка Талула сега откри во каква состојба е актерот.
– Исто му е, што мислам дека е најдоброто нешто што можеме да го побараме. Гледам љубов кога сум со него, тој ми е татко и ме сака, што е навистина посебно, рече таа.
Откога на актерот му била дијагностицирана тешка болест, неговото семејство често зборува за тоа и за состојбата на актерот. Според Талула, нивната цел е да ги освестат другите за деменцијата.
– Од една страна тоа сме ние како семејство, но во исто време ни е многу важно да ја шириме свеста за ФТД. Ако можеме да преземеме нешто со кое се бориме како семејство и индивидуално за да им помогнеме на луѓето, да го свртиме и да направиме нешто убаво околу него, тоа е многу посебно за нас, рече таа.
