Џорџ Клуни неодамна се пошегува дека неговата сопруга Амал има толку лоши вештини во кулинарството што може да го „убие целото семејство“, пренесува „Page Six“. 62-годишниот актер откри дека оваа година за Божиќ ќе подготвува мала мисирка, слична на онаа што ја направил за Денот на благодарноста.
„Мојата сопруга е одличен адвокат, еден од најголемите адвокати во светот, но подобро е да готвам јас бидејќи постои шанса сите да умреме ако таа готви“, рече тој во интервјуто за време на премиерата на „Момците во чамецот“ на Амазон во Лос Анџелес, кој го режираше и продуцираше.
Што се однесува до односот со неговите деца, за време на неговата прошетка на црвениот тепих, новинарите го прашале дали децата разбираат кој е нивниот татко.
„Тие немаат поим. Едно од децата во училиштето му кажа на нашиот син дека сум познат. Подоцна, син ми ме праша: „Тато, што е познато?“, раскажа Клуни.
Медиумот потсетува дека актерот се ожени со адвокатката пред девет години, а во претходно интервју за CBS, парот ја откри тајната на среќниот брак, која е прилично едноставна. Имено, тие никогаш не се расправаат. Двојката пред шест години имаше близнаци: ќерката Ела и синот Александар.
