Поранешната Плејбој зајачица Зои Грегори (49) тврди дека еднаш се сплеткала со Џастин Тимберлејк (43) додека тој бил во врска со Камерон Дијаз (51). Грегори за „Дејли Меил“ изјави дека пејачот го запознала на забава во вилата на Плејбој и дека таа прва почнала да му се додворува на него. Наводно прво ја одбил бидејќи бил во врска со Дијаз, но Грегори не се откажала.
Таа го заведувала и му рекла дека може малку да се опушти бидејќи актерката во моментот не е со него во вилата. “Тој не сакаше да изгледа како слабак. Влеговме и двајцата се соблековме во долна облека и почнавме да се забавуваме”, рекла таа. Грегори откри дека таа и Тимберлејк не воделе љубов, но наводно се гушкале и бакнувале. Магазинот Page Six се обрати до нивните претставници за коментар, но тие сè уште не се огласија.
Грегори претходно откри дека била во контакт со Алекс Родригез, за кој вели дека и праќал љубезни пораки во 2019 година неколку недели пред да ја запроси Џенифер Лопез. „Изгледаше како жешко момче. Ми праќаше пораки непосредно пред да ја запроси Лопез, мислам дека тоа едноставно не е во ред“, изјави тогаш Грегори за Sun.
Кога станува збор за љубовта, Џастин Тимберлејк нема добра репутација. Бритни Спирс неодамна го обвини пејачот дека постојано ја изневерува во текот на нивната тригодишна врска. Во своите мемоари „The Woman In Me“, таа напиша дека Тимберлејк ја изневерил со друга славна личност.
Се шпекулираше дека Џастин ја изневерил Бритни со Никол Еплтон од британскиот бенд All Saints. Бритни исто така ја пронајде Тоња Мичел во креветот на Џастин. Тогаш пејачката го изневери со кореографот Вејд Робсон.
И покрај сопственото скршено срце, пејачот оттогаш е фатен во повеќе компромитирачки ситуации. Само неколку недели по разделбата со Дијаз во 2007 година, Тимберлејк беше виден како разговара со Џесика Бил (41) на забавата на Златните глобуси, што наводно ја налутило Дијаз.
