Иако не си отиде дома со награда, шармантната актерка несомнено беше меѓу најдобро облечените на овогодинешното доделување на САГ наградите.
Во саботата во Лос Анџелес се одржа 30-тото доделување на САГ наградите, доделени од Screen Actors Guild, а црвениот тепих повторно беше многу возбудлив бидејќи повеќето дами носеа спектакуларни тоалети.
Една од оние кои се потрудија посебно бидејќи беа меѓу номинираните беше американската актерка Џенифер Анистон, која се надеваше дека ќе добие признание за најдобра актерка во драмска серија, за улогата во серијата „Утринско шоу“.
Наградата сепак отиде во рацете на нејзината колешка, но Џенифер беше една од најдобро облечените актерки на вечерта.
Во оваа сезона на награди, ѕвездата од серијата „Пријатели“ претежно се облекуваше во мали црни фустани, но сега таа низа ја прекина на феноменален начин – со сребрена тоалета кој зрачи со гламур.
За изгледот на Џенифер се погрижи модната куќа Céline, која се одлучи за класичен крој со светкав ефект, кој делува речиси хипнотизирачки.
Џенифер доби фустан по нарачка кој има тенки прерамки и длабок V-изрез, кој ја следи линијата на телото, истакнувајќи ја нејзината беспрекорна фигура.
Тоалетот паѓа на подот и има шлиц кој допира до средината на бутот, а актерката го искомбинирала со сандали од Џими Чу, исто така сребрен модел со ефект на огледало.
Со ваква впечатлива креација, актерката носеше минимум накит и едноставна шминка, а сè тоа го дополни со црна клач чанта.
