Том Круз го привлече вниманието на затворањето на ОИ во Париз со акробации, но и со својот младешки изглед. Бројни фанови на социјалните мрежи коментираат дека им е неверојатно актерот да има 62 години. На интернет веќе се разговараше за наводните естетски операции на Том Круз, а сега за тоа за Дејли Мејл проговори естетскиот хирург Кшем Јапа од Велика Британија.
Тој изјавил дека е можно Том Круз во одреден момент да направил фејслифтинг во комбинација со вбризгување маснотии.
„Тоа може да биде ефикасна комбинација и тоа е операција која често ја правам, но мора да внимавате на количината на маснотии што ја ставате во лицето. Како што старееме, се случуваат две работи – кожата се опушта, па лицето паѓа и гледате подлабоки брчки од носот до устата и полабав врат, исто така, го губиме волуменот околу слепоочниците и средината на лицето, што може да доведе до потенок изглед“, објасни тој.
„Подигнувањето на лицето го враќа ткивото на лицето во неговата младешка состојба, додека мастите, кои се земаат од другите делови на телото, обично од стомакот или колковите, и се вбризгуваат во лицето со помош на мали инјекции, го надополнуваат изгубениот волумен. Масните графтови сепак ќе делуваат како сало на стомакот, дури и на лицето“, додаде тој.
Дебатата околу појавувањето на Том Круз започна пред три години, кога фотографите го фатија на бејзбол натпревар во Оракл Парк во Сан Франциско. Фотографиите на актерот потоа брзо се проширија на социјалните мрежи, а многумина се запрашаа што се случило со неговото лице. Тие не беа сигурни дали Том се здебелил или лицето му е отечено поради некоја причина.
„Том Круз успеа да одржи неверојатно младешки изглед, што многумина го припишуваат на неговиот активен животен стил и посветеноста на фитнесот. Иако не можеме со сигурност да кажеме дали направил некакви козметички зафати, можно е да избрал неинвазивни третмани за да го одржи својот свеж изглед“, додаде естетскиот хирург Фади Хамадани во интервју за Дејли Мејл.
