Американскиот рапер Диди деновите ги минува во затвор во Бруклин, каде вчера (4.11) го прослави својот 55-ти роденден. Со оглед на околностите, годинава нема да има забава за него, но затоа раперот може да избира од многубројните опции на „славничкото мени“.
Како што објави Њујорк Пост, станува збор за мени кое не е приспособено на вкусовите на Диди, туку традиционално затворот го нуди во понеделник. За појадок, раперот ќе може да избира помеѓу традиционалните американски погачици со бел сос, компири во рерна, овесни снегулки и леб со разни додатоци.
Ручекот му носи малку повеќе избор, како пица со сирење, „италијанска“ салата со тестенини и боранија. Освен тоа, ќе му биде понуден и „десерт за појадок“, што е ставка од менито што нормално нема врска со родендени. Сепак, оброкот нема да може да го залие со кафе, кое ќе биде недостапно до сабота.
А што е за вечера?
Диди ќе го заокружи своето роденденско мени со избор на пржен ориз со тофу или пилешко и мисирка со боранија, сос, леб и неговиот избор на пијалок. Ручекот ќе биде достапен од 11 часот, додека вечерата ќе биде достапна најрано во 16 часот.
Само минатиот месец, адвокатот на Диди се пожали на менито што му е понудено на неговиот клиент. „Мислам дека храната е веројатно најтешкиот дел од сето тоа“, рече Марк Агнифило на 10 октомври пред судницата на Менхетен.
