Холивудскиот актер Џејми Фокс неодамна во Атланта сними специјал за Нетфликс, What Had Happened Was… Во него, тој откри неколку досега непознати детали од неговата досега мистериозна болест, поради која минатата година заврши во болница и за која веќе нашироко се дискутираше.
„Атланта, се вратив! Се борев за мојот живот, но сега сум тука, пред тебе. Интернетот се обиде да ме убие, рекоа дека сум парализиран. Рекоа дека нема да можам да одам, а видете ме сега“, рече тој во добро расположение.
Во еден момент, тој се осврна на гласините дека Диди е виновен за неговата состојба. „Интернетот вели дека Диди се обидел да ме убие. Знам што ме прашувате во моментов, има ли вистина во тоа? Јас рано ги напуштив тие забави, имав девет години“, се пошегува Фокс.
Во специјалот тој опиша и како сето тоа започнало. Актерот кажа дека му се слошило на 11 април 2023 година, а наводно нема сеќавање за настаните во период од 20. Првиот лекар, наведува Фокс, рекол дека е добро, но неговата сестра побарала второ мислење и на крајот го однела актерот во болницата Пиемонт во Атланта.
Докторот таму утврдил дека Џејми доживеал мозочен удар поради крварење во мозокот и дека морал да оди на итна операција. Актерот, на 4 мај, се разбудил во инвалидска количка, без да знае што му се случило.
Да потсетиме, во средината на април минатата година, ќерката на Џејми, Корин Фокс, на Инстаграм откри дека нејзиниот татко завршил во болница. Причината никогаш не беше откриена, но многумина веќе шпекулираа дека се работи за мозочен удар.
