Пејачката Селин Дион (56) на Инстаграм објави фотографија на која носи необични чевли со високи потпетици, кои многумина ги потсетија на кокошки.
Чевлите беа украсени со жолти и црвени додатоци, а таа носеше црвен фустан со светки.
Објавата има над 320.000 лајкови.
„Овие чевли се чудни, но некако одат со нејзиниот аутфит“, „Типично за неа е тоа што ги одбра овие чевли“, „Најдобрите чевли, како и обично“, се само дел од коментарите.
Инаку, Дион претходно откри дека поседува повеќе од 10.000 пара чевли. Музичката ѕвезда во својот нов документарен филм на Prime Video призна дека има опсесија со чевли. Селин сподели дека ги прилагодува стапалата за да одговараат на кој било пар чевли, без разлика на големината.
